US E TRADIZIÓN A SPILAMBÈRT
Un paesén tranquèl
in méz al vèrd
e al biánch di fiòr ‘d maréna
in premavèra,
ed fiánch Panéra
ch’al burbóta alègher,
a l’urizónt al prèmi culinéti,
dô béli cès, al piázi,
un bél castél,
e pò un sách èd zént,
dal ghègni s’céti, onésti,
con tanta volontê,
e prónt a tramandér,
a insgnèr ai zòven,
al tradizión ‘d ‘na vòlta.
A Spilambèrt infáti, da án e án,
in Zògn a-s fa ‘na fèra,
ch’ l’a-n gh-ha uguél al mònd,
per un prodòt ch’ l’é propria únich,
“ l’Asê Balsámich Tradizionél “
preziòs come l’ór,
e quand l’é véc’,
bón come al Sgnòr.
Adésa ch’ l’é Fevrér,
a-s sént i bón nusén,
e per chi vénz a gh-é al prèmi
al dé èd San Valintén.
Mé ch’a són ‘d ‘na vòlta
e a-m piès al tradizión,
a vágh a Spilambèrt
a imparér la lezión.
Pagine: 1 2