UN NUSÉN E UN AMARÉT PER FINÍR AL DÉ CH’AL VA
Anch incô a l’orizónt
al sòl al va vèrs al tramónt,
e al zèl pianén pianén
al s’impès ed mèl sterlén.
Tòt i s’èn ardòt in cá,
l’é al mumént pió bél dal dé
per fér zéna in cumpagnía,
finalmént con la famía
ménter al témp al vòla vía.
Sò putén, avánti, a lét,
e-d’maténa a gh-é la scòla!
L’é al mumént che i genitòr
i-s tòsen un átim anch per lòr,
i tíren fàra i bicirén
e i-impèsen col nusén,
dû amarét in mánchen mai,
a-n gh-é quél piò bél ed quèst-ché
per finír al nóster dé!
Pagine: 1 2