A SCÒLA PER PREMIÉR AL NUSÉN
Dû trî dé duránt la stmána
come a fòsen di sculér,
con i mèster ch’i s’insègnen,
la Malmusi a programér,
andàm tòt a Spilambèrt
a zerchér in dal miór mód,
fra i tersént e piò campión,
cal nusén ch’al vínz al prèmi
ed la nostra tradizión.
Mé ch’a són fra sti sculér,
a zèrch propria d’imparér,
l’é tante béla st’esperiénza
che ormái a-n fágh piò sénza.
Fra dô ciácher e un po’ ed nusén
a pása agl’òr e al pásen bén,
grazie ed còr a tòt i mèster,
a se vdràm a S.Valintén
per premiér al miòr nusén.
Pagine: 1 2