AL NUSÉN – UN LIQUOR PREZIÒS
Al bón nusén
al-s-táca a fér a Zògn,
al dé ed San Zvan,
al madurès al sòl
un dé dàp cl’éter,
propria cal chéld
quand la campagna
l’é arsída ch’la pér brés,
quèl per intèndres
ch’al vèra in dla téra dal cherpéd.
Denter in di vés ed vèder,
ed frónt al Sòl León
taiédi a fèti cíni
a-s mèt al nòs cal fíni,
lasédi chieti acsé
per piò ed quaranta dé,
al formen cal liquòr
ch’a bèv anch i dutòr.
Tòt in descàren bén,
un póc a-n fà mél
gnanch ai putén,
e a la fén ‘d ‘na zéna
con i amigh sincèr
et tír fàra al nusén
e t’impès i bicèr,
chi cinén a s’intènd,
perché al nettare bón
al dèv durér piò ed ‘na stagion.
I amígh tòt cuntént
i fán tánt cumplimént,
i èn tòt d’opinión
che al nusén fát in cà
al sia propria al piò bón.
A la fén dla seréda
ognun a-n tòs la sô stréda
senza prèma aver dèt
“ a speràm ed turnér
col nusén a brindér. “