L’ÒRDIN DAL NUSÉN AL CUMPÈS 35 ÁN
I giòren i pásen pián pián,e i dvénten án,
acsé é rivê al compleán!
I én trentazínch
per la nóstra asociazión.
L’é un grán bél gròp
cherdím a mé,
tòt ma própria tòt
i lavòren in armonía
con di cómpit bén divís.
Quánd aríva la premiazión
i mèst’r asagiadòr i én tòt schierê
come i fòsen di suldê,
a gh-é otzént e pió campión
d’asagiér, da valutér.
Incô a sám ché
a la nóstra fésta,
per premièr come tradizión
i dàdes miòr nusén
dla nóstra téra.
Ánch s’ l’ é stéda
purtróp scunquaséda,
la tradizión la vá avanti.
Evíva al nusén,
evíva sté bél gròp,
evíva Spilambèrt
indúv’ é nê tòt!
Pagine: 1 2